turkangambarova Bloq

Ən xoş günlərimizdə bir-birimizə ailə xoşbəxtliyi, ailə səadəti arzulayırıq. Çünki ailə müqəddəsdir, ailə, övlad sahibi olmaq isə yaşanan ən ülvi hissdir.
Kariyera, iş. – Yaşamaq üçün lazımlı olan maddiyyatı əldə etmək üçün insan çalışır, işləyir vəsait əldə edir. Işləyə-işləyə kariyera qurulur. Belə ki, ilk olaraq ali təhsil alarkən elə kariyera qurmağı fikirləşirsən. Özünəuyğun iş tapırsan, yenə də fikrində kariyera qurmaq olur, bacardığın qədər çalışırsan, hətta evdə olanda da, yatanda belə başqa yollar axtararaq işində irəli getmək istəyirsən, və beləliklə də müəyyən zaman keçəndən sonra iş sahəsində bir xeyli irəli getdiyinin şahidi olursan, bu insana ruh verir. Amma yaşa dolduqca məsələn, universiteti bitirirsən və sənə lazım olan daha çox şeyi əldə etmək üçün əlavə pul lazımın olur, yaxud ailə qurursan, onun ehtiyaclarını ödəmək üçün yenə həmin hal, daha çox gəlir əldə etməyi düşünürsən, demək olar ki, artıq kariyera düşünmürsən, fikirləşirsən ki, görəsən nə vaxt məvacibin qalxacaq.

Əksər vaxtlarda şahidi oluram müxtəlif televiziya verlişlərində, demək olar ki əksər internet forumlarda: “Ailə, yoxsa kariyera?” bu sual ətrafında müzakirələr gedir, demək olar hər zaman da aktual mövzular sırasındadır, hərə bir cür qəbul edir, xüsusən də xanımın çalışmasını qəbul edənlər də olur, etməyənlər də, düzü etməyənləri başa düşmürəm.

Bu sual ətrafında çox düşünmüşəm, amma sonra qərara gəldim ki, bu sual ətrafında düşünməyə dəyməz. Yuxarıda da qeyd etdiyim kimi ailə ehtiyaclarının öhtəsindən gəlmək üçün müəyyən məbləğdə maddiyat lazımdır, bunu necə əldə etmək olar təbii ki, çalışıb işləmək yolu ilə. Fərqi yoxdur hansı sahədə (kamil bir palançı olsa da insan, yaxşıdır yarımçıq papqçılıqdan-N.G ) əsas odur ki, işləyirsən və beləcə yığılan əmək stajı kariyeranı yaradır. Necə ola bilərki, insanı bu iki məhfum arasında seçimə məcbur etsinlər. Gələcəkdə başına hansı hadisələrin gəlməsindən bixəbər ola-ola işindən azad ola bilərsən, sonradan bunun peşmançılığını da çəkə bilərsən. Allah heç kəsi atdığı addımda peşman etməsin. Demək olar ki, bu sual əksər vaxtlarda qadınlara yönəlir. Bir qadını bu cür seçim qarşısında qoymaq nə dərəcədə doğru fikirdir. Desəm ki bu köhnəlik tərəfdarlarının fikirləridir, dar düşüncədən irəli gəlir, düz çıxmaz bu cür düşünənlər ali təhsilli, savadlı, yüksək ixtisaslı, intellektli insanların düşüncələrində irəli gəlir.

Report This Post

Bir insan həyatı heç də həmişə ağ kağız olmur. Ora yazılanlar da çoxdur, silinənlər də, hardansa, kiminsə həyatından köçürülənlər də. Bəlkə elə buna görədir ki, hər insan ömründən bir roman, hətta epopeya yazmaq olar. Amma, etiraf edək ki, oxuduğumuz kitablarda da, baxdığımız filmlərdə də ən diqqət çəkən məqam kişi-qadın münasibətləridir. Burda isə əsrlər keçsə də hələ danılmaz bir həqiqət var: Kişilər qadının ilk, qadınlar kişinin son sevgisi olmaq istər…

Bir kişi həyatının qadınını onun təmizliyinə, əlinə kişi əli dəyməməsinə görə seçər. Əgər həqiqətən kişi xüsusiyyətlərini özünə yaraşdırırsa. Buna görə də əsl Azərbaycan, “tərəkəmə” qadını həyatı boyunca yalnız bir kişiyə arxalanır, ona baş əyir. Yalnız bir kişinin qeyrətini yaşadır. Onun başını aşağı edəcək heç nə etmir, əksinə, el içində, müasir anlayışla,c əmiyyətdə onun hörmətini artırır. Qürur deyilən anlayışı da onun yanına əlavə etsək, kişi qüruru həmişə ona əyilən qadın təmizliyindən asılıdır.
Bu qadın bağışlayır, bu qadın keçir, bu qadın kişinin son sevgisi olmaq istəyər.Bir kişinin həyatında 3 qadına yer olur: könül əyləncəsi, könül dostu və ev xanımı.
1-ci kateqoriyaya aid qadınlar həmişə var və əsl kişi onunla qürurlanmaz… Axı kim zəmanət verər ki, bu gün bir kişinin könlünü əyləndirən sabah da başqasının badəsinə axmır?
3-cü kateqoriyaya aid olanlar da az tapılsa da var. Çünki bu tip qadınlar evlilik gününədək kişinin gözünü, könlünü oxşamağa çalışır, amma evlənəndən sonra kişinin hissləri, əzabları, sevinci, hətta sevgisi belə onu maraqlandırmır.Yalnız ev, ailə şərtləri, yazılmayan, yazılan qanunlar… Bir sözlə, çərçivələr, monoton evdarlıq…
Maraqlanırsan ki, niyə 2-ci kateqoriyanı axıra saxladım? Onda buyur…
Könül dostu olan qadınlara kişilərin həmişə ehtiyacı olub, bəlkə də elə kişilər həyatı boyu ona görə qucaqdan-qucağa atılırlar ki, onlar könül dostunu tapmırlar?Bax bu yerdə yenə sevgi amili əsas götürülür.Yenə həmin tərəkəmə qanunları… Bu qadın həyatındakı kişiyə baş əydiyində onu dünyaya bərabər tuta bilir, hətta tutur da. Bu qadın üçün hər şeydən əvvəl arxasını söykədiyi kişinin maraqları, hissləri, harda, necə olması maraqlıdır. “Qabusnamə”də belə bir kəlam var: Bir kişiyə qoynunda xumarlandığı sevgilidən öncə arxasını söykəyəcək qadın lazımdır.Bax, evini belə qadına etibar et.
Bəli, ona görə kişilər qadının ilk sevgisi olmaq istər ki, başı uca, qüruru əyilməz olsun.Qadınlarsa əksinə, çünki, kişi arayır, axtarır, sonunda könül dostunu tapır…

Report This Post

Ağıllı insan dostları ilə münasibətləri pozulduğunda bunu dərhal bərpa edən insandır. Daha ağıllı insan isə dostları ilə münasibətini heç bir zaman pozmayan insandır.

Pis xasiyyətli bir gənc varmış. Bir gün atası ona mismarla dolu bir torba verərək deyir:-”Oğlum, dostlarınla hər mubahisə edib dalaşanda bu taxtaya bir mismar vur”…

Gənc, ilk gündə taxtaya düz 37 mismar vurur. Sonrakı həftələrdə isə özünü ələ almağa çalışaraq hər gün daha az mismar vurmağa başlayır. Nəhayət bir gün taxtaya heç mismar vurmur. Sevinərək atasına söyləyir. Atası isə onu yenidən taxta parçasının yanina aparır və deyir: -”Bu gündən etibarən mübahisə etməyib dalaşmadığın hər bir gün üçün taxtadan bir mismar çıxar”. Günlər keçir.

Bir gün taxtanın üstündə heç mismar qalmır. Atası ona: “Afərin! Çox yaxşı hərəkət etdin, ancaq bu taxtaya diqqətlə bax, mismarlar olmasa da dəlikləri var. Artıq heç bir vaxt əvvəlki tək gözəl olmayacaq. Dostlarının qəlbini qırmağın da belədir. Sonradan münasibətləri düzəltməyə çalışsan da, özü qalmasa da izi qalacaq.”

Report This Post

Məcburi şəraitdən ortaya çıxan gülməli məqamlar
Bir neçə gün bundan öncə xəbər gəldi ki, Gəncədə yazıb-yaradan yazıçılardan birinin 8-ci kitabının təqdim edəcək. Qocaman yazarın kitabının təqdim etmə mərasiminə xeyli şəhər ziyalısı toplaşmışdı, onların sırasında başqa regionlardan gələn qonaqlar da vardı. Tədbir Gəncədə fəaliyyət göstərən məktəblərin birinin zalında baş tutmuşdu. (dəqiq ad və ünvanı qeyd edilməyəcək)
Tədbirə mən və iş yoldaşlarım mətbuat nümayəndəsi kimi getmişdik. Çıxış edənlərdən, qonaqlardan məlumat toplayacağımız üçün sona qədər izləməli olduq. 1 saat -1 saat yarım davam edən təqdimetmə mərasiminin təqribən başlamasından 15 dəqiqə sonra qonaqların sifətindəki məcburiyyətən oturmaq hissi məni cəlb etdi, kimi yuxuluyur, kimi əsnəyir, kimi telefonuyla qurtdalanır, kimi astadan pıçıltayır və s. Diqqətlə və maraqla qulaq asanları barmaqla saymaq olardı. Insanları nəyinsə hesabına məcburən ora toplamaqdansa bir neçə nəfəri, həqiqətən poeziya ilə maraqlanan, onu başa düşənləri bir araya toplasaydılar abu-hava tamam başqa olardı. Adi bir alqış nə idi ki, ona da can çəkirdilər. Təbii bunu orda iştirak edənlərin hamısına şamil etmək olmazdı. Ən diqqətli insanlar elə yazıb-yaradanlar idi.

Report This Post

Səyahəti sevən hər kəs əfsanələr şəhərinə baş çəkməyə etiraz etməz. Ancaq bura gəldiyi zaman gəzintiyə çıxdığı bütün yerlərin yerli-yerində olacağına inanır. Adını çəkmək kifayət edir ki, həmin an fikrimizdə gözəl təəssürat yaratsın – “Əfsanələr paytaxtı”. Söhbət Mədəniyyət və Turizm Nazirliyinin “2010-2014-cü illər üçün Xalq Yaradıcılığı Paytaxtları” Proqramının icrasını təmin etmək məqsədilə 2010-cu il üçün Gəncə şəhərini “Azərbaycanın Əfsanələr Paytaxtı” elan etməsindən gedir. Məşhur şəhərlərin gecə görünüşünün insanı valeh etməsinə yəqin ki heç kəs şübhə etməz. Bizim “əfsanələr paytaxtı”nın gecə həyatı isə lap məyus edir. Axşam saat 9-u keçəndən sonra (hava qaralandan sonra) qarşılaşdığın üyəkaçmayan mənzərələr şəhərə qonaq gələn turistlərə hər şeyin səhv başa düşülməsinə səbəb ola bilər yaxud da artıq səbəb olur. Adi bir misal götürək, belə ki, Gəncənin mərkəzində yerləşən “Gəncə mehmanxanası”-nın üzrindəki həmin yeri bildirən ad reklami hava qaranlaşan kimi tamam çaş-başlıq yaradır. Əslində hər hərf işıqlanmalıdır. Amma axşamlar o hərflər o qədər yalnış işıqlanır ki, oxumağa belə utanırsan ki, məna səhvləri ilə qarşılaşırsan və əgər bu sözləri bir əcnəbi vətəndaşı azərbaycan dilində başa düşürsə bax bu lap biabırçılıq olar.
Bu şəkli may ayının 3-də axşam saat 11-də çəkmişəm, təsadüfən gördüm və təəccübləndim.

“Gəncə mehmanxanası”  sözündə ikinci “ə”, və “x” hərflərinin olmaması bu ifadəni yaradır-”GƏNC MEHMAN ANASI”

Amma günün işıqlı vaxtında bu cür olur.

Belə baxanda adi görünən bu cür çatışmazlıqlar yığılaraq böyük uyğunsuzluq gətirir, “Əfsanələr paytaxtı”nın görünüşünü ləkələyir.

Report This Post

Elektron KİV-in inkişaf etdiyi bir zamanda qəzetlərə marağın azalması bir o qədər də təəccüb doğurmur. Həm də ki, iqtisadi cəhətdən əziyyət çəkən bir dövlətin vətəndaşı üçün pul verib qəzet əldə etmək bir o qədər sərfəli deyil. ABŞ kimi inkişaf etmiş 250 milyondan çox əhalisi olan bu ölkədə qəzet oxumayanların sayı əməlli başlı hiss olunub. Ən ciddi azalma isə “San-Fransisko Kronikl” qəzetinin tirajında müşahidə edilib. Bu qəzetin tirajı 23 faiz azalıb. ABŞ-ın ən kütləvi qəzeti olan “USA-Today”in də tirajı 13 faiz azalıb. Hazırda bu qəzetin 1 milyon 800 min oxucusu qalıb. Bu barədə məlumatı BBC-i yayıb. ABŞ-ın ən kütləvi qəzeti olan “USA-Today”in də tirajı 13 faiz azalıb. Hazırda bu qəzetin 1 milyon 800 min oxucusu qalıb.
Nəinki Amerikada elə vətənimizdə də qəzet oxumağa maraq bir o qədər də qalmayıb. Bunu əhalinin məlumatlanmamaq hissi kimi qəbul etmək düzgün olmazdı, gündəlik internet qəzetlər əlavə xərc çəkməyin qarşısını alır. Ələlxüsusda işi birbaşa kompyuter və internetlə bağlı olan insanlar bu üsuldan daha çox istifadə edir.
Qəzet oxumağa maraq fikrinizcə Azərbaycanda təxminən neçə faiz təşkil edir?

Report This Post

Seriallar dərdlərimizi, problemlərimizi unutdurur, amma bu o demək deyil ki, özümüzü qayğısız hiss edirik, indi də serial qəhrəmanlarının problemli həyatlarını və onların gələcəyi barədə düşünürük. Bir əhvalat danışım, sizdə xəbərdar olun. Bir neçə gün getdim Qazaxda qaldım(toya getmisdim-subaylar üçün olsun). Qaldığım evde bir nənə vardı. 83 yaşının içində idi. Çox mülayim və son dərəcə səliqəli və gülərüz idi. Axşam türk kanallarının birində “Hanımın ciftliyi” serialı gedirdi. Düzü mən baxmıram, sadəcə onlar baxdığı üçün hərdən bir mən də başımı qaldırıb televizora baxırdım. Birdə gördüm ki, baş rolun ifaçısı olan Müzəffər dünyasını dəyişdi. Kimsə onu deyəsən gülləylə vurmuşdu. Yavaş-yavaş yuxuladığım vaxt nənənin hiss həyəcanlarının səsini eşitdim. Dua edirdi:
-“Ay allah, özün kömək ol, qoy Müzəffərə heç nə olmasın.”
Təəccübləndim ki, əməkdar müəəllimə necə belə şeylərə inanır axı. Serialın sonunda Müzəffər dünyasını dəyişdi. Nənə bir təhər sakitləşib getdi yatmağa. Sabah səhər tezdən oyanmışıq ki, nənə başladı nə başladı, deyir ki, “yazıq Müzəffər necə öldü, gecə özümə yuxu getmədi.”
Maraqlıdır ki, serial qəhrəmanlarının dərdlərini çəkməyə dəyərmi?
Sizə necə təsir edir seriallar?

Report This Post

Belə bir fikir var ki ağıllı insanlar az danışar. Danışmaq gümüşdürsə, susmaq qızıldır. Eşitdiyim danışmaqla bağlı fikirlərin əksəriyyəti az danışmağa üstünlük verir. Hətta deyirlər ki, Allah insana 2 qulaq 1 ağız verib ki, çox eşidib az danışasan. Elə zamanlar olur ki, qarşındakı insanın səhv olduğunu bilə-bilə onunla bu barədə mübahisə belə etmək istəmirsən. Elə mən də bu cür insan tipinə aidəm. Hətta elə kəslərə rast gəlmişəm ki, səhv fikir danışdıqlarını qəbul etmək istəmirlər yaxud da bunu özlərinə pis bilirlər. Həmişə susan mövqedə olmaq fikrindən heç vaxt vaz keçmək istəmirəm. Sonradan dilimin başıma oyun açmağından da ehtiyat edirəm, düzü. Amma bu da o demək deyil ki, olanlara göz yumuram. Bu gün başıma elə hadisə gəlib ki, lap günün sonuna kimi hələ də o təsirdən çıxmamışam. Bu dəfə tam əksi oldu, səhv mən də oldu. Səhv etdiyim anda məndən də xarakter və ümumiyyətlə fərqli 1 insan mənimlə belə demək olarsa lovğalandı. Bu dəfə bəlkə də sakit durmamalıydım, amma danışsam da həddən artıq coşardım. Zamana buraktım (türklər demişkən). Qeyd edim ki, uşaq olanda evdə valideynlərim tapşırırdı ki, özündən böyüyə cavab qaytarma. Bəlkə də hələ mən təsirdən qurtula bilməmişəm-haqlı olanda belə. Sizin mübahisə etməyə münasibətiniz necədir? Bunlar da dahilərin mübahisəylə bağlı düşüncələri: Kim qəzəbə qəzəblə cavab vermirsə, o həm özünü, həm də digərini xilas etmiş olur. (Qədim Şərq aforizmi) Həmişə təhrikçi qalib gələr. (Menandr) Qəzəbdən qorxulu heç nə yoxdur. (Menandr) Qorxulu xəstəlik qəzəblənməkdir. (Menandr) Qəzəb sərsəmliyin başlanğıcıdır. (M.T.Siseron) Kim özündən çox bilənlə mübahisə etsə ki biliyi meydana çıxsın, biliksizliyi ortaya çıxar. (S.Şirazi) Mübahisədə inadçılıq sarsaqlığın əsas əlamətidir. (M.Monten) Ağlın səsinə qulaq as, qəzəbin yox. (V.Şekspir) Yalnız o adamla mübahisə etmək olar ki, mübahisəni həqiqətən də ağlı ilə izləyir. (D.İ.Pisarev) Çox şeyi başa düşən az mübahisə edir. (Q.N.Matyuşov) Mübahisəni daha ağıllı olan dayandırır. (L.N.Tolstoy) Mübahisə etməyi çoxları, söhbət etməyi isə az adam bacarır. (A.Olkott)

Report This Post

Amerikalı psixiatr Luan Brizendin müəyyən edib ki, qadınlar kişilərdən 3 dəfə çox danışır. O, özünün “Qadın ağlı” kitabında qadınların gün ərzində təxminən 20 min söz, kişilər isə 7 min söz işlətməsi qeyd olunur. Bundan başqa psixiatr bu qənaətə gəlib ki, kişilərin diqqətlə qulaq asma qabiliyyəti qadınlara nisbətən yüksəkdir. Araşdırmalar göstərib ki, 71% qadın onlara aid olan və aid olmayan hər şey haqqında söhbət etməyi xoşlayır. 63% kişi avtomobillər haqda söhbəti sevir. 32% qadın və kişi isə ancaq işlə bağlı söhbətlərə üstünlük verir.

Özünüzü ünsiyyətçil hesab edirsiniz, yaxud və söhbət etməyi xoşlayırsınız?

Report This Post

Heç bilmirəm hara yozdun
Doğrumu sən,düzümü sən
Mən həsrəti ötüb keçdim,
Sən həsrətin dözümüsən.
Qulaqlarım cingildəyir
Danışırsan sözümü sən,
Sözümü sən.
Istərəm ki yuxumdan da
Gəlib səni alan olsun.
Vüsal dolu bu yuxular
Yalan olsun,yalan olsun!
Mənə qalan xatirələr,
Unudulsun talan olsun
Talan olsun!
Qol – budaqlı ağac idim,
Budanmışam,çapılmışam.
Həmdəm gedib ,kölgəm itib,
Mən özümə qapılmışam.
Amma səni itirən gün,
Mən özümçün tapılmışam.
Tapılmışam

Report This Post